Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել է, որ Եվրոպական միության երկրներն ու Մեծ Բրիտանիան ակտիվորեն խոչընդոտում են Ուկրաինայում հակամարտության քաղաքական և դիվանագիտական լուծման գործընթացին։
Նրա խոսքով՝ Լոնդոնն ու ԵՄ-ն նպատակաուղղված կերպով արգելակում են խաղաղ բանակցությունների հնարավորությունը։ Զախարովան նշել է, որ այդ երկրների քաղաքական էլիտաները խաղաղ գործընթացը դիտարկում են որպես սպառնալիք՝ իրենց գլոբալ ազդեցությանը և հզորությանը։
Ավելի վաղ Մարիա Զախարովան արդեն քննադատել էր Ուկրաինայի նախագահ Վլադիմիր Զելենսկուն՝ պնդելով, որ նրա կերպարը և հանրային դիմագծումը ձևավորվել են Արևմուտքի կողմից։