Քաղաքացու օրվա առիթով իմ այցը եղել է Շիրակի մարզի Մարալիկ քաղաք։ Այստեղ ես հանդես եկա «Իրական Հայաստանի գաղափարախոսությունը» խորագրով բանախոսությամբ։
Իմ խոսքում ես անդրադարձել գաղափարախոսության հիմնական սկզբունքներին և քաղաքացի-պետություն հարաբերությունների կարևորությանը։ Ես ներկայացրեցի Կառավարության կողմից վերջին տարիներին իրականացված ծրագրերը՝ ընդգծելով դրանց ազդեցությունը տնտեսության, կրթության և մյուս կարևոր ոլորտների վրա։
Մասնավորապես, խոսեցի ենթակառուցվածքների զարգացման, դպրոցների, մանկապարտեզների և ճանապարհների կառուցման նշանակության մասին։ Կրթության ոլորտում ընթացող բարեփոխումներն ու ապագայի ծրագրերը նույնպես իմ ուշադրության կենտրոնում էին։ Ես կրկին ընդգծեցի, որ կրթությունը Հայաստանի զարգացման գլխավոր ռազմավարական ուղղություններից է, և մեր ջանքերը ուղղված են դրա բարելավմանը։
Հանդիպումը ավարտվեց իմ պատասխանով ներկաների հարցերին։
Հանդիպումից հետո ես շրջայց կատարեցի Մարալիկի և Արթիկի կենտրոնական հրապարակներում։ Քաղաքացու օրվա առիթով բացված տաղավարներում ցուցադրվել են տեղական կրթական հաստատությունների, ընկերությունների և համայնքի բնորոշ սննդատեսակների ձեռագործ աշխատանքները։ Այստեղ տեղի ունեցան նաև գորգագործության և պարարվեստի վարպետաց դասեր։